Улихьнаси Избербашдиъ, «Universal Fighters» спортдин клубдин кюмекниинди  тешкил дап1ну, грепплингдиан живанарин арайиъ шагьрин ачухъ  чемпионат к1ули гъубшну.

 

 

Му  чемпионат, Избербаш шагьрин 70 йис хьпаз бахш дап1ну, рягьимлувалин турнирси к1улиъ гъубхуб ву.  Душваъ 2001-пи йислан 2011-пи йисазкьан бабкан гъахьи ва 22 килограммдиан 92 килограммдиина гъагъишин айи живанар иштирак гъахьну. Гьадрарин арайиъ Тимур Къурбановдин тренерваликкди тербияламиш апIурайи ихь биц1и ватанагьли Адам Халикьов  сабпи йишван сагьиб гъахьну. Думу чемпионатдин 40 килограмм гъагъишин айи спортсменарин арайиъ талитариъ иштирак гъахьнийи.