Ноябрин 27-пи йигъан Дагъустандин глава Сергей Меликовди гьар йисан гъабхру прямой линияйиъ республикайин агьалйирин суалариз жавабар тувди. Суалар швнуб-саб жюрейиинди тувуз шулу: Vopros Glave RD.ru сайтдиъ; горячий линияйин телефондин 8 (8722)-98-90-81 номериз дих дапIну;
MAX мессенджериъ «Vopros Glave RD _ bot» чат-ботдиан.
Гьюрматлу дагъустанлуйир! Саб гьяфтайилан прямой эфир кIули гъябгъиди. Думу жюрейиинди региондин глава агьалйирихъди цци хьубпи ражари гюрюшмиш шула. Республикайин кIулиъ айири агьалйирин варитIан важиблу, гьял апIуз удукьури адру суалариз жавабар тувди.
Суалар кьабул апIури, гьамус саб гьяфта ву. Сергей Меликов шлубкьан гизаф суалариз жавабар тувуз гьязур ву. Хъа эгерки ичв суалназ эфирин вахтна жаваб тувуз хъутрукьриш, цIиб вахтналан думу суал гьял апIбан гьякьнаан учвуз хабар дебккди.
Агьалйирин суалари гьар йисан дармнарихъди тяминвалин, газификацияйин, рякъ-хул рас апIбан, яшайишдин жюрбежюр жара месэлйир, чIатху гъуларин ва вари республикайин мяна айи проектар уьмриз кечирмиш апIуз мумкинвалар агуз кюмек тувру.