COVID-19 тарабгъуз хъюгъхъан мина ИВЛ-аппаратар лазим вуйи кьадарнаъди больницйириз гьуркIри адрувализ дилигну, дурарин  кьиматар за гъахьну. Хъа му жюрейин техника сад йигъан масу гъадабгъну хуз даршлувалин ухьу гъавриъ ахьа. Дурар заказ дапIну, лазим вуйи йишваз рукьайиз, 6 вазкьан вахт гъябгъюру.

 

 

 

РД-йин сагъламвал уьбхбан Министерствойин мялуматарин гъуллугъну туврайи хабрариз асас вуди, республикайин сагъламвал уьбхбан министерствойи Германияйин саб фирмайихъди ужуб ерийин 38 аппарат масу гъадагъбан гьякьнаан йикьрар гъийитIнийи. Фирмайи гизаф багьа кьимат дарди ва жикъи вахтнан арайиъ аппаратар хътауз гаф тувну. Миржиб аппарат республикайин сар инсандикан тмуну инсандикна тарагъру уьзрарин больницайиз хътаъну, имбу аппаратарра лап багарихьди хъуркьди.