Табасаран эскрар – Ватандин Аьхю дявдин иштиракчйир

Гьяжагъа Къурбанович Султанов

1910-пи йисан ГъуштIил гъулаъ бабкан гъахьну.

 

Багъри гъулаъ бригадирди лихурайи жигьил 1943-пи йисан Хив райондин военкоматдиан фронтдиз гьаъну. Думу Крымский полуостровдиин, Крым, Керчь, Севастополь, Симферополь, Феодосия шагьрарин багарихь кIули гъушу гъагъи женгариъ иштирак гъахьну. Феодосияйиъ гъахьи женгариъ эскриз кьюб ражари зийнар шулу. Госпиталиъ сагъламвал мюгькам апIбан кьяляхъ, 1944-пи йисан думу гъулаз гьаъру. Далу терефнаъра Гьяжагъа Султановди багъри гъулан колхоздиъ лихури, гъалибвал багахь апIбак лайикьлу пай кивну.

Гьяжагъа Султанов Лениндин ордендин, «Дявдиъ гьунарар улупбаз лигну», «Дирбаш’вал улупбаз лигну» ва 17 жюрбежюр медаларин сагьиб вуйи.

Ветеран 2002-пи йисан кечмиш гъахьну.