Гюльнара Мягьямедова

Дагъустан Республикайин гъулан мяишатдин ва ипIру-убхъру сурсатарин министрин заместитель Шамил Жамалов Урусатдин гъулан мяишатдин министерствойин совещаниейиъ иштирак гъахьну.

Региондин министерствойин мялуматарин гъуллугънаан туврайи хабрариинди, думу совещаниейиъ Саратовдин, Волгограддин ва Ростовдин областарин, Став-ропольский крайдин АПК-йин идарйирин, РД-йин ветеренарияйин комитетдин ва гьацира Хасавюрт ва Лак районарин администрацйирин вакилар иштирак гъахьнийи. Совещаниейиъ гьял гъапIу месэлйирин натижайиъ, гьаму йисан мартдин аьхириъ ва апрелин садпи йигъари гъургъу аьхю мархьари зарар туву Дагъустандин гъулан мяишатдин зегьметкешариз Урусатдин регионарин терефнаан жинснан 120 мал тувбанди гъахьну. Карантиндин ва ветеренарвалин ахтармишар гъахбан кьяляхъ малар Дагъустандиз хътаиди.
Чан терефнаан Шамил Жамаловди РФ-дин гъулан мяишатдин министерствойин кIулиъ айидариз ва регионарин тялукь идарйириз кюмекнан хил гьачIабккбаз чухсагъул гъапнийи. Дугъу къайд гъапIганси, РД-йин гъулан мяишатдин зегьметкешариз думу аьхю кюмек ву, малдарвалин циркил артмиш апIуз мумкинвал ву.