Табасаран эскрар – Ватандин Аьхю дявдин иштиракчйир

 

Фейтуллагь Байрамбегович Сефербегов

1913-пи йисан Табасаран райондин НичIрас гъулаъ бабкан гъахьну.

 

 

1939-пи йисан дугъаз армияйиъ гъуллугъ апIуз дих гъапIну. Армияйиан думу дявдиз саперди гъухну. 1942-пи йисан ликрик гюлле кубкIну, думу багъри гъулаз кьяляхъ хъадакну гъюру. Миржиб вазлилан зийин сагъ гъабхьибси, хъана чан хушниинди дявдиз кьяляхъ гъушну. 1945-пи йисан Фейтуллагь Сефербегов кIулиъ ади, дурарин отряд Берлиндиз хъубкьну.

Дявдиъ улупу игитвализ лигну, Фейтуллагь Сефербегов сабпи ва кьюбпи дережайин Машгьурвалин, «Уьру Хяд» орденариинди, «Дирбаш’вал улупбаз лигну» ва хъана жара медалариинди лишанлу дапIна.

Ветеран 2000-пи йисан 22-пи июндиъ 87 йисан яшнаъ ади кечмиш гъахьну.