Урусатдин Президентди 2020-пи йисан ЕГЭ тувру вахт улупну. Мектебдиъ 11-пи класс ккудубкIурайи баяр-шубари сабпи имтигьян июндин 29-пи йигъан тувди.
Владимир Путинди гъапиганси, ЕГЭ вузарик урхуз кучIвуз ккайидаритIан тувуб лазим дар. Имбуну баяр-шубариз йисандин натижйирин бинайиинди аттестатдиъ кьиматар дивди.
Кьялан уьмуми образованиейин гьякьнаан аттестатар июндин 15-пи йигъаз 11-пи класс ккудубкIурайидариз варидариз тувну ккунду.
Рособрнадзори имтигьнар тувру йигъарра тяйин дапIна.
29-30-пи июндиъ ахтармиш апIбан имтигьнар гъахиди. ЕГЭ гъабхбахъан жавабдарарди тяйин дапIнайи мялимар ППЭ-йиъ хьиди, хъа баяр-шубар хулариъ.
География, литература ва информатика – 3-пи июлиъ, урус чIал – кьюд йигъан, 6-7-пи июлиъ, профилин математика – 20-пи июлиъ, тарих ва физика – 13-пи июлиъ, обществознание ва химия – 16-пи июлиъ, биология ва харижи чIаларин бикIру имтигьян – 20-пи июлиъ, харижи чIалнан мелзналан вуйи имтигьян – 22-23-пи июлиъ гъахувал планламиш дапIна. Аьлава йигъар 24-пи июлиъ (урус чIалнаан ва харижи уьлкйирин чIалар ктарди вари предметариан) ва 25-пи июлиъ улупна.
Себеб ади имтигьяндиз гъюз дархьдариз августдин вазли имтигьян тувуз мумкинвал хьибди.
