Гьюрматлу Гюльбика Агъамягьямадовна!

Уву, ич гирами дагъларин уьлкейин риш, дилаварчи, таржумчи ва Расул Гьямзатовдин ччвурнахъ хьайи адлу премияйин лауреат, учу кIваантIан ялавлуди яв 60-йис тамам хьпан баркаллу юбилейихъди тебрик апIурача.

Уву, ич багъри, яв гизаф дерин, метлеблу ва маракьлу литературайин эсерар яратмиш апIури, неинки ихь табасаран, хъа гьацира вари дагъустан литературайин хазна дерин ва девлетлу апIурава.

Увуз, ич гирами, гъюзимбу уьмриъра жандин мюгькам сагъ’вал, яратмиш апIбан майдандиъ аьхю хъуркьувалар ва дюн’яйин вари бахтар хьуб ккун апIурача!

Ражабоварин хизан,
Мягьячгъала шагьур