Июлин 8-пи йигъан образованиейинна илимдин цирк-лиъ гюзчивал гъабхру Федералин гъуллугънан кIулиъ айи Анзор Музаевди Дагъустан Республикайиъ ЕГЭ тешкил апIбан гьякьнаан онлайн-совещание гъубхну. Видеоконференция имтигьнариз улупнайи сабпи шубуд йигъандин натижйириз бахш гъапIнийи.
«Дагъустандиъ имтигьнар тешкиллувалин заан дережа-йиъди кIули гъягъюра. Учуз кьатI’иди, гъалатIар ктарди албагнайи, къайда чIур дарапIди гъабхурайи, гъубшу йисахь тевиган, нукьсанвалин дюшюшар хайлин кам духьнайи ва улихьна гъапIу теклифар ва туву насигьятар гьисабназ гъадагъну гъабхурайи ужуб ляхин рябкъюрачуз»,
– къайд гъапIну Анзор Музаевди.
Рособрнадзорин кIу-лиъ айири РД-йин образованиейинна илимдин Министерствойин вакилариз, гьарсаб имтигьнин кьяляхъ гъубху ляхнин натижа ашкар апIури, видео-конференцйирин къайдайиинди оператив совещанйир гъахбан тажрубайиз ва региондин мялуматар тартиб апIру центри гъабхурайи ляхниз заан кьимат тувну.
Гьаму йисан Дагъустандиъ 10 агъзуртIан артухъ выпускникари ЕГЭ тувра. Сабпи шубуб имтигьян улупнайи йигъари кIули гъушнийи. ЕГЭ-йин иштиракчйирин терефнаан къайда чIур апIуз ккайидарра арайиз удучIвну – телефонар ва шпаргалкйир ишлетмиш апIурайи 14 кас имтигьнар гъахурайи пунктариан адаъну.
Совещаниейиъ Дагъус-тандиз дуфнайи Урусатдин мярифатнан Министерствойин педагогвалин кадрйирин артмиш’валин ва дакьатарин гюзчивал гъабхру Департаментдин директор Андрей Милехинра иштирак гъахьну. Дугъу учв ЕГЭ тувру пунктариз гъушуваликан ва вари йишвариъ комиссияйи тасдикь дапIнайи тIалабар ва теклифар уьрхюрайиваликан гъапну.
«Дагъустандин образованиейин гъурулушдин кIулиъ айири чан ляхин сикин дарди уликк уьбхюрайивал рябкъюру. Гьарсаб ляхин, улупу гъалатI, гъапIу зенгназ жаваб – вари кьатI’иди ва вахтниинди тамам апIура. Узуз гьаму гъагъи вахтна имтигьнар тешкил апIбан ва кIули гъахбан жавабдарвал гъабхурайи дагъустан мялимаризра чухсагъул пуз ккундузуз. Гъи ухьу, бицIидарин хатIасузвал ва вари шартIар уьрхюри, дикъатлуди ва ачухъди гъабхурайи ляхнин шагьидар шулахьа»,
– къайд гъапIну Андрей Милехинди.
