Гьамусяаьт Хив райондиъ Дербент – Хючна – Хив рякъюн 83-85,6-пи километриъ расвалин ляхнар давам шула.

РД-йин транспортдинна рякъярин мяишатдин министерствойин пресс-гъул-лугънан мялуматариинди, рякъ рас апIбан ляхнар август вазли аьхирихъна гъиди. Му участокдин рякъ’ин 18 йис улихьна улубзу асфальт лап чIур дубхьнайивализ лигну, душв’ин артухъси асфальтра улубзиди.

Мидлан савайи, расвалин ляхнар гъягъюрайи участокдик кабхърайи гъядра рас апIуз, рякъюъди гъягъбан лишнар кайи дестгар урсуз, рякъяриъ цIарарин лишнар кауз планламиш дапIна. Гъийин йигъаз думу участокдин рякъяр диш дапIну, асфальтдин сабпи жар улубзуз хъюгъна.