КIваина хурача, 2020-пи йисан 13-пи сентябриъ – сесер тувру саб вуйи йигъан ихь республикайиъ шагьрарин 5 округдин (Буйнакск, Дагъустандин Огни, Каспийск, Къизлар, Кьибла-Сухокумск шагьрар), «Мягьячгъала шагьур» шагьрин округдин айитI айи шубуб райондин (Кировский, Ленинский, Советский) ва муниципалин 38 райондин аьт-рафариин ерли самоуправлениейин органариз сечкйир гъахбан муниципалин 615 сечкийин кампания кIули гъябгъиди.

 

Дагъустан Республикайин аьт-рафариин 1 миллионна 300 агъзур сечкичийиз сентябрин 11-пи, 12-пи йигъари ва сесер тувру саб вуйи йигъан – 13-пи сентябриъ сечк-йириъ иштирак хьуз мумкинвал хьибди.

КIули гъягъру муниципалин сечкйирин натижйириинди депутатвалин 6058 мандатар пай апIиди: республикайин шагьрариъ – 183 мандат, гъуларин поселенйирин вакилвалин органариъ – 5875 мандат, гьацира гъуларин поселенйирин 18 глава ктагъиди.

Вари Дагъустандиъ, муниципалин сечкйирин кампанйириъ иштирак хьпан бадали, 12141 кандидат гьисабназ гъадагъна, думу кьадарнакан 8289 кас политикайин 14 партияйин терефнаан ву, имбу 3852 кас чпин хушниинди кандидатурйир улупдар ву.