Дагъустан Республикайиъ «Урусатдин жигьил дилаварчи» кIуру вари Урасатдин конкурсдин региондиъ кIули гъябгъру пай ккудубкIну. Конкурс «Яшайишдин дилаварчивал», «Инновацияйин дилаварчивал», «Франчайзинг», «Интернет-дилаварчивал», «Гъуллугъар гьуркIувалин циркил», «Алверчивал», «Гъулан мяишатдин дилаварчивал», «Гьясиллувал» номинацйириъ кIули гъубшнийи.

 

«Интернет-дилаварчивал» номинацияйиъ Москва шагьриъ яшамиш шулайи, интернетдиъ алвер гъабхру центрин кIулиъ айи Герман Эскеров гъалиб гъахьну. Думу кIулиъ айи компанияйи пешкешди тувру алатарихъди алвер гъабхура ва интернетдиъ ужуб машгьурвал гъазанмиш дапIна. Вари Урусатдин конкурсдин аьхиримжи пай гьаму йисан нояб-рин вазлиъ Башкортостан Республикайин Уфа шагьриъ кIули гъябгъиди.

«Гъуллугъар гьуркIувалин циркил» номинацияйиъ хусуси дилаварчи Вагьаб Аьлиевди (шиклиъ кьюбпи жергейиъ гагвлахъанди кьюрпир) 3-пи йишв гъибисну. Думу «Яндекс» компанияйин сертификат хьайи партнер ву.

Дупну ккундуки, конкурсдин региондин пайнаъ гъалиб гъахьи кьюби жигьиларра Табасаран райондин Халагъ гъулан вакилар ву.

Герман Эскеровдиз ва Вагьаб Аьлиевдиз вари Урусатдин конкурсдин аьхиримжи пайнаъра гъалибвал ккун апIурахьа.