Дагъустан Республикайин сагъламвал уьбхбан Министерствойин кIулиъ айи Жамалудин Гьяжиибрагьимовдин табшуругъниинди, аьзарлуйириз гьяракатниинди медицинайин кюмек тувбан бадали, Мягьячгъала шагьрин поликлиникйириз 13 машин масу гъадагъну тувна.

 

Думу ляхни медицинайин идарйириъ чпин сагъламвал къайдайиз хурайи аьзарлуйириз туврайи медицинайин кюмек артухъ апIиди. Аьзарлуйирихьна поликлиникйириан духтрар гъягъювал артухъ гъапIган, гьяракатниинди медицинайин кюмек тувру гъуллугъназ алабхънайи гъагъ цIиб хьибди.

«Гьамусяаьт сагъламвал уьбхбан гъурулушдиин алабхънайи гъагъназ дилигну, сар аьзарлура ул’ан идитну ккундар. Аьзарлу кас духт-рихьна илтIикIхъан мина дугъаз медицинайин тешкилатари хъайи-хъайиси кюмек тувну ккунду, жара гафариинди, участокдин духтри вахтниинди ва дюзди уьзур сагъ апIуз ккебгъувалихъан жавабдарвал дубхну ккунду, больницайиз аьзарлу лап гъагъи гьялназ гъафиган хъуркьну ккундар. Мидланра савайи, больницайиъ гъагъи гьялнаан адаъну, сагъламвал къайдайиз гъюрайи аьзарлу духтрарин гюзчиваликкна учв яшамиш шулайи йишваз гьаъну ккунду. Духтрари гюзчивал гьаци дубхну ккундуки, аьзарлу кас сагъ апIруси, сагъ апIбан лазим вуйи серенжемар давам дарапIди, думу кас хъана больницайиз кьяляхъ дархруси»,

– къайд гъапIну Жамалудин Гьяжиибрагьимовди.