Гьюрматлу ватанагьлийир!
Варидиз мялум вуйиганси, гьар йисан 5-пи октябрь вари дюн’яйиъ мялимдин Йигъси къайд апIура.
Гьаму машкврихъди аьлакьалу вуди, учу, «Табасарандин нурар» газатдин редакцияйи, газатдин Инстаграмдиъ айи страницайиъ мялимариз бахш дапIнайи конкурс тешкил дапIнача.
Конкурсдиъ иштирак хьпан асас шартIар гьамцдар ву:
– бабан чIалниинди (табасаран) варитIан ккуни мялимдикан сочинение, шиир бикIувал;
– ккуни мялимдин шикил зигувал;
– мялимдикан ва дугъан ляхникан вуйи бицIи сягьна улупувал (кIул’инди ясана бицIи коллективдиинди).
Мялимдин Йигъахъди аьлакьалу вуди тешкил дапIнайи конкурсдиъ иштирак хьуз варидариз мумкинвал а, аммаки конкурсдиз гьязур апIурайи сочинениена гъизигу шикил ктарди, имбуну материалар видео жюрейиинди духьну ккунду.
Конкурс 5-пи октябризкьан давам хьибди. Ужуди гьязур дапIнайи материалар учу газатдиъра чап апIидича.
P.S. Табасаран райондин азербайжан, Хив райондин лезги чIал апIурайидариз урус чIалниинди гьязур дапIнайи материалар хьади конкурсдиъ иштирак хьуз ихтияр а.
«Табасарандин нурар» газатдин коллектив