Гьамусяаьт Хив райондин Ляхла гъулан мектеб рас апIбан ляхнар егин еришариинди кIули гъягъюра. Тикилишчивалин ляхнарин ери ва гьякьикьат гьаму йигъари райондин глава Ярмет Ярметовди ахтармиш гъапIну.

 

 

– Ляхла гъулан мектебдин тикилишар йирсидар даршра, дарпиди гъитуз шулдар, хатIалу гьялназ дуфнайи. Аьгьвалат дигиш апIбан бадали, ич мумкинвал абгури хайлин вахт гъабхьнийич. Цци магьа улупнайи серенжемар «Образованиейин ужагъарин аьгьвалат дигиш апIбан гьякьнаан» метлеблу программайин бинайиинди гъахуз хъюгъну. Гьаци мектебдин гъваъ, унчIвар, раккнар, пол гьюдюхюра.

Сентябрин аьхирариз улупнайи ляхнар ккудукIбанди ву. Гьамусяаьт баяр-шубариз аьгъювалар ва тербия тувбан ляхин мектебдин кьюбпи дараматдиъ ккабалгна, – къайд гъапIну Я.Ярметовди.