Аьхиримжи вахтари Хив райондиъ «Шагьрариъсдар гъулай аьтрафар» федералин метлеблу программайин бинайиинди саб жерге тикилишчивалин ляхнар тамам апIура.

 

 

Кьабул гъапIу уьлчмйирин натижайиъ райцентриъ ва ЦIийи Фрюгъярин, улихьна йигъари Хив ва Гъвандикк гъулариъ тялукь майднар ачмиш гъапIну.

– 2018-пи йисан улупнайи программа сифте вуди гъулариъра кечирмиш апIуз хъюгънийи. Гьадмуган Дагъустандин 17 районарин арайиъди Хив райондизра тялукь шартIар яратмиш апIуз мумкинвал гъабхьну.

Му программайин бинайиинди, улупнайи муддатнаъ Хив РКДЦ-йин улихь хьайи майдан, Гъалибвалин парк, гъябгъюрайи йисан ЦIийи Фрюгъ, Хив ва Гъвандикк гъулариъ баяр-шубариз эрг’вал йивбаз деврин тIалабариз тялукь шартIар айи майднар ккабалгна.

Улупнайи программайиъ фунуб гъуларин поселенйирихьанра иштирак хьуз шулу, анжагъ вахтниинди тялукь дизайн-проект яратмиш апIувал чарасуз лазим ву. Дакьатар проектдиъ улупнайи метлебариз асас вуди жара апIура. 2021-пи йисан юкьуб гъулаъсан тялукь серенжемар гъахбанди вуча.

Гъулаъ бицIидариз эрг’вал йивбаз гъулай шартIар айивал аьхю хъуркьувал ву. Гъи Урусатдин Президентди халкьдин яшайиш гъулай апIбаз вари мумкинваларра сарф апIура, – гъапну райондин глава Ярмет Ярметовди.

 

Шиклиъ: Хив гъулан цIийи майдан.