Дагъустандин Глава Владимир Васильевди, чан Посланиейиъ республикайин культурайин цирклин артмиш’валикан улхури, РФ-дин Президентдин Указдиинди 2019-пи йис уьлкейиъ театрарин Йисси къайд дапIнайиваликан гъапну ва республикайин культурайин уьмриъ теат-рари важиблу роль уйнамиш апIурайивалиин дийигъну.
Главайи Табасаран театрин, Даггосфилармонияйин дараматар лап гъагъи гьялнаъ айиваликан, хъа машгьур «Лезгинка» ансамблиз ва Азербайжан театриз затра дараматар адруваликан гъапну.
Му месэлйир республикайин кIулиъ айидари гюзчиваликкна гъадагъну. Амма дурар гьял апIбан бадали, аьхю дакьатар лазим ву. Гьамусяаьт республикайин бюджетдиъ дицисдар дакьатар адар.
