Гъябгъюрайи йисан ноябрин 21-пи йигълан мина башламиш дапIну, Федералин Роспотребнадзорин Дагъустандиъ айи управлениейи, цIийи коронавирусдин инфекцияйин тестирование гъабхбахъди аьлакьалу суалариз консультацйир тувбан метлеб ади, «убцру линия» ачмиш гъапIну.
РД-йиъ айи Роспотребнад-зорин управлениейин пишекрари ва РД-йиъ айи эпидемиологияйинна гигиенайин Федералин сагъламвал уьбхбан центрин вакилари республикайин агьалйириз коронавирусдин инфекция каш ахтармиш апIру тестированиейин, думу гъабхбан къайдйирин, дидин анализарин натижйирин гьякьнаан ва гьаму темайиан вуйи жара суалариан консультацйир гъахура.
Гьаму месэлйирихъди аьлакьалу вуди гъавриъ адруб аш, фунур касдихьанра РД-йиъ айи Роспотребнадзорин управлениейин «убцру линияйин» (8722) 51-65-64, 69-19-52 телефонариз зенг дапIну, чпи гъаврикк ккауб ккун апIуз шулу.
