Мягьячгъала шагьриъ 46-пи нумрайин мектебдиъ 10-пи классдиъ урхурайи Исмяил Гьябибуллаевди 28-пи мартдиан 1-пи апрелиз Москва шагьриъ кIули гъубшу китай чIалнаан вуйи вари Урусатдин олимпиадайиъ пешкешнан йишв гъадабгъну. Думу муниципалин ва региондин этапариъ ужудар натижйир улупну, гъалиб гъахьну.
Вари Урусатдин олимпиадайин аьхиримжи этапдиъ иштиракчйири жюрбежюр табшуругъар, презентацйир тамам гъапIну ва тялукь темйириан сюгьбатарин мажлиснаъ иштирак гъахьну. Жюрийин вакилари Исмяилин китай чIал аьгъювалин дережайиз жаради заан кьимат дивну. Дугъаз Москвайин сатIи вуйи командайин дахилнаъди ВСОШ-диъ иштирак хьпахьна гьязур хьуз теклиф дивну.
КIваин апIуз ккундучуз, олимпиадайин гъалибчйир ва заан йишвар гъадагъдар Урусатдин фунуб вушра заан урхбан идарайиз имтигьнар дарди кьабул апIуру.
