Дагъустандин рякъяриъ аварйирихъди аьлакьалу аьгьвалат гъагъиб ву. Гьар йигъан рякъюъди машинар хъаъбан къайдйир аьгъдрудар, рулихъ ички дубгъну дуснайидар тахсиркрар вуди, швнуб-саб хизанариъ бедбахтвал арайиз гъюра.

Мисал вуди ккудубшу гьяфта гъадабгъиш, Дагъустан Республикайин рякъяриъ саки 40-кьан аварйир гъахьну, натижайиъ 56 касдиз зийнар гъахьну, 7 кас гъийихну. Зийнар гъахьидарин арайиъ 3 бицIир а, хъа сар бицIир гъакIну.

Агьвалат гъигъиб вуйиваликан телевидениейиан, жюрбежюр социалин сетариан яваш дарди хабар туврашра, рякъяриин аварйирин кьадар кам шуладар. Гьаддиз аьгьвалатра гъагъиди гъубзна, инсанарин уьмрарра кьатI шула.