Вари дюн’яйин столиин уйнамиш апIру теннисдин Йигъ къайд апIбан дахилнаъди 7-пи апрелиъ Хив райондин спорткомплексдиъ спортдин улупнайи жюрейиан талитар кIули гъушну. Талитариъ 18 кас иштирак гъахьну.
Хив ОКСМПиТ-дин пишекар Альберт Ярметовди субут гъапIганси, талитарин натижайиъ гъалибвалин 1-пи йишваз Фарид Ярметов, 2-пи йишваз Мафрудин Гьяжикеримов ва 3-пи йишваз Закир Девришев лайикь гъахьну. Дурар Хив райондин администрацияйин терефнаан Гьюрматнан грамотйириинди ва пулин пешкешариинди лишанлу гъапIну.
