Республикайин жигьиларин ляхнариз лигру министерствойи сабпи ражари вуди Москвайиъ дуланмиш шулайи, 18 йислан 35 йис’ина яш дубхьнайи дагъустанлуйириз кайи «Жямяаьтлугъдин арайиъ гъазанмиш гъапIу гьюрматназ туврайи премия» конкурс кIули гъабхура.

 

Тешкилатчйирин гафариинди, конкурсдиъ студентарихьан, курсантарихьан, жямяаьтлугъ вакиларихьан, спортсменарихьан, жигьил алверчйирихьан, жямяаьтлугъ тешкилатарин кIулиъ айидарихьан иштирак хьуз шулу.

Премияйин дахилнаъди 5 номинация улупна: «Йисандин жигьил аьлим», «Йисандин студент», «Йисандин спортсмен», «Йисандин жямяаьтлугъ вакил», «Йисандин гьевескар».

Гьарсаб номинацияйиъ 2 лауреат ва 1 гъалибчи тяйин апIиди. Дурариз конкурсдинтешкилатчйирин терефнаан кьиматлу пешкешар багъиш апIбанди ву.
Конкурсдиъ иштирак хьуз ккунирихьан 25-пи ноябриз otdelminmol@mail.ru электрондин адресназ аьрза хътапIуз шулу. Дидин натижйир 5-пи декабриъ Москвайиъ йивиди.