Гьаму гьяфтайилан ккебгъну, Росздравнадзори, регионариъси, медицинайин тешкилатариъра коронавирусдиз аькси дармнар аш-адарш, ва суткайин арайиъ дурар фукьан харж шулаш, фукьан ишлетмиш дарапIди гъузнаш, гьар йигъан мялуматар гъадагъура.

 

 

Идарайиз ва гьацира РФ-дин сагъламвал уьбхбан министерствойизна улихь гъягъбан технологйир артмиш апIру Центриз мициб табшуругъ январин вазлин аьхирариъ кIули гъубшу омикрон-штамм тарабгъувалихъди аькси женг гъабхбаан уьлкейин правительствойин гьяракатнан рабочий дестейин совещаниейин кьяляхъ тувнийи.

КIваин апIурача, ОНФ-ди гъуху ахтармишариз асас вуди, гьерхувалар гъухдарикан 30% агьалйириз, январин вазлиъ коронавирусдин уьзур кубчIвну, чпин хулариъ сагъламвал мюгькам апIури гъахьидариз, медицинайин идарйириъ пулсузди дармнар тувундар. Гьаддин гьякьнаан аьхюбсиб пай Хабаровский крайдин, Новгородский, Нижегородский, Иркутский, Смоленский, Рязанский, Владимирский, Астраханский ва Псковский областарин агьалйири ктибтну.