Дагъ. Огни шагьрин ЦРБ-йин эпидемиолог Эрада Бедьятовайи, арайиз дуфнайи эпидемиологияйин читин гьял фикриз гъадабгъну, шагьрин образованиейин тешкилатарин ва жара идар-йирин кIулиъ айидарихьна газатдин машариантина саб жерге табшуругъар хьади илтIикIура. Дурар исихъ туврача:

– коронавирусдин омикрон штаммдиан аьзарлу духьнайи ва ОРВИ-йин уьзрар кайи бицIидар, урхурайидар, студентар, гьацира идарйирин гъуллугъчйир вахтниинди жара апIуб, коллективариз гъюз гъидритуб;

– сабишв’инди гизаф агьалйир уч шлу серенжемар гъахуз гъидритуб;

– туканар, аптекйир, жямяаьтлугъдин ипIруб-убхърубдин тешкилатар, банкетный залар ва сабишв’инди гизаф агьалйир уч шлу гьацдар жара идарйир, унчIвар, раккнар арццри, марцци гьава гъюз гъитри, къайдайиъ дерккуб;

– идарйириъ дезинфекция гъабхбаз фикир тувуб;

– сабишв’инди гизаф агьалйир уч шлу йишвариъ (рукьан рякъюн ва аэровокзалариъ, ресторанариъ, супермаркетариъ, кинотеатрариъ, рягьятвал гъадабгъру жара клубариъ), ультрафиолетовый нурар тувру авадлугъар ишлетмиш апIури, гьава марцц апIуб.

Тарагъру уьзрарин улихьишв бисбан бадали, му табшуругъар чарасуз вуди тамам апIуб лазим ву. Варидариз Аллагь кюмек ишри.