Гъийин девриъ банкариан кредитар гъададагъди яшамиш шулайи касарин кьадар тIубариинди гьисаб апIуз шулу. Алверчивалин фицибкIа ляхин абццуз кьаст гъапIу саспи касар, ккундушра-ккундаршра, кредит гъадабгъуз мажбур шула.

 

Гьамусяаьт ихь уьлкейиъ гъагъи аьгьвалат арайиз дуфнайивализ лигну, кредитар туврайи банкари инсанариз кредитарин тятIилар ишлетмиш апIуз мумкинвал тувра кIури, Дагъустандин экономикайинна аьтрафарин артмиш’валин министерствойин пресс-гъуллагънаан хабар тувра.

Думу мялуматариз асас вуди, алверчивал артмиш апIуз кредитар гъадагъу касариз гьаму йисан 30-пи сентябризкьан, тятIилар ккун апIури, кредитдин пул гъадабгъу йишваз илтIикIуз, янаки аьгьвалат читинуб вуйи вахтнан арайиъ гьар вазлиъ банкдиз кьяляхъ тувну ккуни кредитдин пулин кьадар 6 вазлизкьан тутрувди гъибтуз вая думу кьадар цIиб апIбан аьрза тувуз мумкинвал а.

Къайд дапIну ккундуки, кредитдин тятIилар, дурарин гьякьнаан аьрза тувруган, йикьрариъ улупнайи йигъхъантина ккергърайидар ву.