15-пи мартдиъ Мягьячгъалайиъ, Крым Урусатдихъди сатIи хьпаз бахш дапIнайи ва гьацира Донецк ва Луганск областарин агьалйирин тереф уьбхюри, «Кьувватлу Урусатдихъанди» ччвур тувнайи ватанпересвалин марафон кIули гъубшну. Думу Мягьямед Ярагъийин ва генерал Уьмаровдин ччвурнахъ хъайи кючйир сатIи шулайи йишвхьан ккебгъну, Тарки-Тау дагъдин лигру майдандиин ккудубкIну.

 

 

Ватанпересвалин марафондиъ 200-тIан артухъ жигьилар, Гъалибвалин волонтерар, Юнармияйин вакилар, кадетарин корпусариъ, кьялан ва уьмуми образованиейин тешкилатариъ урхурайидар иштирак гъахьну. Хъасин дурар Тарки-Тау дагъдиин, Урусатдин Федерацияйин пайдагъ хилиъ дибисну, Урусатдин Армияйин ва Донбассдин агьалйирин тереф уьбхюри, «Z» гьярф саягъ дийигъну.

Серенжемдин иштиракчйирихьна илтIикIну, РД-йин милли политикайин ва динарин ляхнариз лигру министр Энрик Муслимовди жигьиларик ватанпересвалин рюгь капIбаъ тялукь серенжемарин важиблуваликан гъапну.

«Дагъустанлуйир тафавутлу апIурайи хасиятнан асас лишнарикан саб – ватанпересвал ву. Гьаци вуйивал Ватандин Аьхю дявдин йисари гизаф кьадар дагъустанлуйир «Советарин Союздин Игит» заан ччвурназ лайикь хьувалира субут апIура. 1999-пи йисан ихь республикайиъ вари халкьарин бандитарин дестйир архьиганра, думу тасдикь гъапIунхьа. Ва гъира, Украинайиъ хусуси метлеб айи дявдин гьяракат гъябгъюрайи вахтна, ихь бали, Нурмягьямед Гьяжимягьямедовди, чан уьмрилан хил алдабгъну, сарпирди игитвал улупну – думу «Урусатдин Федерацияйин Игит» ччвурназ лайикь гъахьну. Ухьу, дагъустанлуйир, кьувватлу Урусатдин терефкрар вухьа, саб халкь вухьа ва сатIиди кьувватлу вухьа», – гъапну министри.

Уч духьнайидарихьна илтIикIну, Урусатдин Игит Загьид Загьидовди къайд гъапIганси, фунур инсандинра хасиятнан варитIан заанвал – Ватандихьна ккунивал ву.

Серенжем концертдин программайиинди давам гъабхьну.