Дагъустандин Глава Сергей Меликовди 28-пи мартди чан указдиинди саб жерге дагъустанлуйириз Дагъустан Республикайин гьюкуматдин пешкешар тувну. Дурарин арайиъ ихь ватанагьлийирра а.

 

 

РД-йин Халкьдин Со-браниейин экономикайин политикайин, инвестицйирин ва дилаварчивалин комитетдин председатель Сефер Насирович Аьлиевдиз – Гьюрматнан грамота, Расул Гьямзатовдин фондднан вице-президент Гьябибат Нажмудиновна Аьзизовайиз – вафалуди зегьмет зигбаз лигну, медаль, «Г. Б. Къазиаьгьмедовдин ччвурнахъ хъайи Дербентдин педагогвалин коллеждин» директор Шарафутдин Гьяжиаьлиевич Сейидовдиз – «Дагъустан Республикайин образование-йин лайикьлу гъуллугъчи» гьюрматнан ччвур тувну, Табасаран райондиан вуйи, гизаф бицIидар хъайи Гюлханум Мягьмудовна Ражабовайиз ва Дербентдиан вуйи Хирде Гьяжимягьямедовна Мирза-хановайиз – дадайин орден тувну.

«Табасарандин нурар» газатдин коллективди ихь ватанагьлийир му пешкешар тувбахъди тебрик апIури, дурариз гележегдиъ хъана заан хъуркьувалар ккун апIура.