Урусатдин Президентди 2022-пи йисан мартдин 26-пи йигъан къул гъизигу «Ветеранарин гьякьнаан» Федеральный къанундиъ дигиш’валар тIаъбан гьякьнаан» 69-пи нумрайин Федеральный къанун гьяракатнаъ убчIвра. Дидиз асас вуди, 2022-пи йисан 24-пи февралихъан мина хусуси метлеб айи операция гъабхурайи вахтна, улихь дивнайи месэлйир тамам апIбан бадали, Украинайин, Донецкдин ва Луганскдин халкьдин республикйирин аьтрафариина гьаънайи ватандашар дявдин женгарин ветеранарси гьисаб шула.

 

 

Му къанун гьяракатнаъ убчIвбахъди, ва гьацира харижи уьлкйири санкцйир мялум апIбахъди аьлакьалу вуди Урусатдин Федерацияйиъ арайиз дуфнайи яшайишдинна экономикайин аьгьвалат гьисабназ гъадабгъну, Урусатдин ФССП-йи (суддин приставарин гъуллугъ) чан ляхниъ бязи дигиш`валар тIаъну.

«Судди адабгънайи къарар тамам апIбан гьякьнаан» 229-пи нумрайин Федеральный къанундин 40-пи маддайин 1-пи пайнан 3-пи пунктназ асас вуди, Урусатдин Федерацияйин Яракьлу Кьувватарин ва, Урусатдин Федерацияйин къанундиз асас вуди, тешкил дапIнайи военный органарин дахилнаъди дявдин женгариъ иштирак шулайи, буржар кайи касарин гьякьнаан бурж ктабгъуз судди кьабул дапIнайи къарарар суддин приставари тамам апIувал вахтназ вуди дерккра. Къарар кIулиз адабгъувал дебккбан бадали, ватандашди ясана дугъан вакилари суддин приставдихьна учв дявдин операцияйиъ иштирак шулайивал тасдикь апурайи документар ясана нотариусди къул дизигнайи копйир духну ккунду.

Урусатдин ФССП-йиз му документар гьацира суддин къарар тамам апIру органарихьан ясана дурарин ччвурнахъан гьадму ляхин апIуз ихтияр айи гъуллугъарихьан тувуз шулу. Эгер суддин приставдиз суддин къарар тамам апIувал дебккуз ихтияр туврайи себебарикан мялум вуш, дугъхьан чан кIул’индира гьадму ляхин апIуз шулу.

Вари мялуматар, 8-988- 293-62-81 нумрайиз зенг дапIну, аьгъю апIуз шулу.