Гьюрматлу чвйир ва чйир, ватанагьлийир!

 

Магьа мусурмнарин гирами Рамазандин ваз аьхирихъна гъафну. Гьаму ваз вари дюн’яйиъ миллионариинди мусурмнари, ушвар дидисну, гирами Маккайихьинди илтIикIну, жан ва рюгь марцц апIури, Аллагьдиз ккарагури, рягьимлувалин ужудар ляхнар кIулиз адагъури, чпин ужудар дару фикрарилан, гъапIу гунгьарилан хил алдабгъувал ккун апIури, адапIну. Гьарсар касдин гъапIу гъудгнар, гъидису ушвар, гъурху дюъйир Аллагьди кьабул апIри.

Гъийин ихь уьмри ухькан сабурлувал ккун апIура. Урусатди Украинайин аьт-рафариин кIули гъабхурайи хусуси метлеб айи дявдин операцияйиъ гизаф мусурман баяри ватандин улихь чпин гирами буржи тамам апIура. Дурар Первердигарин ва жямяаьтлугъдин улихь чпиин али жавабдарвалин гъавриъ а, ихь баяри дугъри гъуншивалин, инсан ккунивалин метлебар тамам апIура. Гьаму машквраз улихьна йигъари Аллагьдикан ихь жигьилар сагъ-саламатди чпин хизанариз кьяляхъ гъювал ккун апIурахьа.

Аьхиримжи йисариси, гьаму йисанра гизаф ихь ватанагьлийири касибвал ка-йидариз, сакьат инсанариз, аьзарлу духьну больницйириъ уьзрихъди женг гъабхурайидариз, гизаф бицIидар айи хизанариз чпихьан удукьру кюмек гъапIну, сатIиди ушв гьибтувалин серенжемар тешкил апIури, халкьарин сабвал имбубсан мюгькам апIбак пай кивну.

Артухъси Аллагь кIваин апIури, Мюгьямад Пайгъамбарин (с.аь.в.) тяриф апIури, жвуван хизандихъди ва багахьлуйирихъди ушвар дисбан машквар къайд апIували ухьуз, апIурайи ужудар ляхнар, кIван марцци ниятар имбубсана къайдайиз хуз кюмек тувур кIури, умуд киврахьа.

Гъит гьаму машкври учвуз жандин мюгькам сагъ’вал, кIван шадвал, хулаз берекет, хизандиз мясляаьт хури.