6-пи майдиъ Мягьячгъала шагьриъ Анатолий Карповдин ччвурнахъ хъайи шахматарин клубдиъ шашкйириан «Мягьячгъала шагьрин ачухъ кубок» аьдати турнир кIули гъубшну.

 

 

Думу турнир Аьхю Гъалибвалин 77 йис хьпаз тялукь вуди тешкил дапIнайиб вуйи. Турнириъ Мягьячгъала, Кас-пийск, Къизилюрт, Хасавюрт шагьрари- ан ва Акъуша, Къа-рабудагъкент, Казбек ва Табасаран района-риан 22 шашкйир уйнамиш апIрудар иштирак гъахьну. Турнир швейцария-йин къайдайиинди 9 туриъ кIули гъубхну. Гъадагъуз мумкинвал айи 9 очкойикан 6.5 очко гъазанмиш дапIну, му турнириъ Табасаран райондиан вуйи Исмяил Исмяилов Мягьяч-гъала шагьрин чемпион гъахьну, ва дугъу шашкйирин спортдин устад кIуру чан ччвурра тасдикь гъапIну. Думу муганайизра юкьуб ражари ихь республикайин чемпион гъахьнийи. Кьюбпи йишв Къарабудагъкентдиан вуйи Тимур Са-лигьовди гъадабгънийи. Дугъура 6,5 очко гъазанмиш гъапIнийи, амма ду-гъан коэффициент цIиб исди гъабхьнийи. Шубубпи йишв Мягьячгъала шагьриан вуйи Гьясайни Аьбдуллаевди гъибиснийи, дугъу йирхьуб очко гъазанмиш гъапIнийи. Пешкешнан йишвар гъадагъу спортсменар медалар, грамотйир ва кубокар тувбиинди лишанлу гъапIнийи.