Мягьячгъалайин ва Дербентдин районарин арайиъ айи табиаьт уьбхру прокуратурйири Каспий гьюлин аьтрафариин балугъар дисбан, штун девлетар уьрхбаъ тахсиркарвалар ашкар апIбан серенжемар кIули гъухну. Дидин гьякьнаан гъаравулвал гъабхурайи идарайин мялуматарин гъуллугъну хабар тувну.
Душваъ къайд гъапIганси, ахтармишар Каспий гьюлин сяргьятариъ Кафари Кавказдин гьюлин алверчивалин ва табиаьтдин девлетар уьрхбан Федеральный балугъчивалин агентствойин гъуллугъчйирихъди сатIиди кIули гъухну.
«Гьамци, Аграхан заливдин кьибла терефнаъ штун девлетар ккадагъру алатар гъидихъну, штуккан 680 метр ярхишин али балугъар дисру чул ккадабгъну. Хъа Каспий гьюлин Избербаш шагьрин гъаншариъ айи аьтрафариъ балугъар дисуз ккипнайи 200 метр ярхишин али чул ккадабгъну», – мялумат тувра табиаьт уьбхру прокуратурайиан.
Гьаму дюшюшарихъди аьла-кьалу вуди, тахсиркрар агбан ва дурариз жаза тувбан ахтармишар гъахура.
Республикайин штун девлетар уьрхру прокуратурайи Каспий гьюлин аьтрафариин ва республикайиъ уьрхюрайи штун жара аьтрафариин табиаьтдин девлетар ихтиярсузди ишлетмиш апIувалихъди гьаммишан женг гъабхура.
