Вари Урусатдиъси, майдин 26-пи йигъан Дагъустандиъра ЕГЭ-йин кампанияйин асас вахт ккебгъну. Выпускникари ЕГЭ-йин имтигьнар 2-пи июлизкьан тувди.
Сабпи йигъан 11-пи класс ккудубкIурайидари географияйиан, литературайиан ва химияйиан ЕГЭ тувну. Думу имтигьниз 3705 касди заявка тувнайи. Дурарикан 3322 выпускникди химияйиан, 299 урхурайири литературайиан, хъа 84 касди – географияйиан ЕГЭ тувну. Му имтигьнарин варитIан асккан балликан улхуруш, думу географияйиан – 37, литературайиан – 32 ва химияйиан – 36 ву.
Хъа майдин 30-31-пи йигъари выпускникари урус чIалнаан ЕГЭ тувну. Имтигьнин натижйир июндин 17-пи йигъаз мялум хьиди.
КIваин апIуз ккундучуз, урус чIалнаан ЕГЭ – выпускникари аттестат гъадабгъбан бадали тувну ккуни кьюб имтигьникан саб ву. Думу гъадабгъбан бадали, асккан гьисаб 24 балл гъазанмиш дапIну ккунду. Вузарик кучIвбан ас-ккан балл 36 ву.
Июндин 2-3-пи йигъари математикайиан ЕГЭ гъубхну. Дидин натижйирикан газатдин гъюру нумрайиъ мялум апIидича.
Гьамус выпускникар 6-пи июндиъ физикайин ва тарихнан предметариан, июндин 9-диъ обществознаниейиан, июндин 14-пи, 16-пи ва 17-пи йи-гъари харижи чIалариан, 20-пи ва 21-пи июндиъ информатикайиан имтигьнар тувуз гьязур шула.
ОГЭ-йин кампанияйикан улхуруш, 9-пи классдин выпускникари гъийин йигъаз харижи чIалариан, математикайиан, обществознаниейиан, физикайиан, биологияйиан, химияйиан ва тарихнаан асас имтигьнар тувну. Хъа урус чIалнаан ва имбу предметар гьеле тувуз ими. ОГЭ-йин имтигьнарин асас кампания июндин 15-пи йи-гъазкьан давам шула.
Мектебдин выпускникариз хъуркьувалар ва имтигьнариъ заан натижйир гъадагъувал ккун апIурхьа.
