Советарин Союздин заманайиъ, 1944-пи йислан башламиш дапIну, 10 ва думутIан артухъ веледар бабкан гъахи дишагьлийиз гъизилин орденра хъади «Игит Дада» кIуру ччвур тувуйи. Уьлкейиъ 400 агъзуртIан артухъ «Игит дадйир» айи. Думу ччвур тувувал 1991-пи йисан дебккнийи.
2007-пи йисан Урусатдиъ «дадавалин капитал» кIуру пул тувуз хъюгънийи. Сифте думу пул кьюрпи бицIир гъахи дадйириз туврайи, хъа цIиб вахтналан думу программа яркьу гъапIнийи.
2008-пи йисан Урусатдиъ гизаф бицIидар (7 ва думутIан артухъ) хъайи бабариз «Абйир-бабарин машгьувал» кIуру орден тувуз хъюгънийи.
Цци июндин 1-пи йигъан, Урусатдин Президент Владимир Путинди «Абйир-бабарин машгьувал» орден тувнайи хизанарихъди манзилнаъди (онлайн саягъ) гюрюш кIули гъубхнийи. Думу гюрюшдиъ гьюкуматдин кIулиъ айири «Игит Дада» кIуру ччвур цIийи алапIбан ва гьадму ччвурназ лайикь гъахьи дишагьлийириз саб миллион манат тувбан теклиф дивну.
Дугъан гафариинди, бицIидар айи хизандиз хъайивал апIувал, дадавалин ва бицIивалин гъаразнаъ хьувал — Урусатдиъ сабпи нубатнаъ дийибгъна.
Владимир Путинди къайд гъапIганси, аьхиримжи вахтна гизаф бицIидар айи аьхю хизанар артухъ хьуз хъюгъна. Дидкан рази дархьиди гъузуз шулдар. «Аьхиримжи йисари заан намуслувалин, багахьлувалин, аьхюр-бицIир аьгъяди гьюрмат уьбхювалин кьиматлувалин гъавриъ айи инсанарин кьадар артухъ дубхьна. Къайд апIувал лазим вуки, думу кьиматлувалар Урусатдиъ хъаърайи вари динарин бинайиин дийигъна»,-гъапну Урусатдин Президентди.
«Аьхю хизандиъ тербияламиш гъапIу касдиин хъугъ’вал апIуз шулу. Дугъу я дустар, я гъарашугъар, ясана багъри Ватан масу тувидар», — аьлава гъапIну Владимир Путинди.
Июндин 12-пи йигъан «Саб вуйи Урусат» партияйи хизандин, дишагьлийирин ва бицIидарин месэлйириз бахш дапIнайи заседание гъабхиди. Думу заседаниейиъ Владимир Путиндин «Игит Дада» кIуру ччвур цIийи алапIбан гьякьнаан вуйи теклиф гьял апIиди. Госдумайин депутат Татьяна Буцкаяйин гафариинди, заседаниейиз Москва шагьрин гизаф бицIидар хъайи дадйириз, жямяаьтлугъ тешкилатарин вакилариз, экспертариз теклиф апIиди.
Владимир Путиндин теклифнакан чан фикрар ачухъ апIувал ккун апIури, узу РД-йин сагъламвал уьбхбан министрин заместитель Раиса Шагьсиновайихьна илтIикIунза. Дугъан гафар исихъ туврача.
Дугъан гафариинди, бицIидар айи хизандиз хъайивал апIувал, дадавалин ва бицIивалин гъаразнаъ хьувал – Урусатдиъ сабпи нубатнаъ дийибгъна.
Владимир Путинди къайд гъапIганси, аьхиримжи вахтна гизаф бицIидар айи аьхю хизанар артухъ хьуз хъюгъна. Дидкан рази дархьиди гъузуз шулдар. «Аьхиримжи йисари заан намуслувалин, багахьлувалин, аьхюр-бицIир аьгъяди гьюрмат уьбхювалин кьиматлувалин гъавриъ айи инсанарин кьадар артухъ дубхьна. Къайд апIувал лазим вуки, думу кьиматлувалар Урусатдиъ хъаърайи вари динарин бинайиин дийигъна», – гъапну Урусатдин Президентди.
«Аьхю хизандиъ тербияламиш гъапIу касдиин хъугъ’вал апIуз шулу. Дугъу я дустар, я гъарашугъар, ясана багъри Ватан масу тувидар», – аьлава гъапIну Владимир Путинди.
Урусатдиъ хизандиъ айи бицIидар гьисаб дапIну кюмек тувруган, байвализ кьабул гъапIу бицIидарра багъридарси гьисаб апIуйи. Гьаму ражари Президентди дивнайи теклифнаъра гьаци дубхьну ккунду.
Июндин 12-пи йигъан «Саб вуйи Урусат» партияйи хизандин, дишагьлийирин ва бицIидарин месэлйириз бахш дапIнайи заседание гъабхиди. Думу заседаниейиъ Владимир Путиндин «Игит Дада» кIуру ччвур цIийи алапIбан гьякьнаан вуйи тек-лиф гьял апIиди. Госдумайин депутат Татьяна Буцкаяйин гафариинди, заседаниейиз Москва шагьрин гизаф бицIидар хъайи дадйириз, жямяаьтлугъ тешкилатарин вакилариз, экспертариз теклиф апIиди.
