Хъркьувалар
СертIил школайин гъуьру урхру йисариз хъуркьубар вуди 5 скамия, 5 табретка, 1 стол, 1 шкаф ва 50 к. м. ургру кIакIлар гьаьзур дапIна. Школайин баяр цIийи алфавитарихъди ухди таниш хьпан бадали «УIрю Табасаран» газетдиз 46 бай член гъапIну.
Р. Г.-М.
Саб марччли 6 ччал
ТIюрегъ гъулан «Красный октябрь» колхоздин член вуйи Алиханов Мустафайин саб марччли сад йисан 6 ччал гъапIну. Ччалар сагъди ву.
Къафаров
Тулк
Гьаму вазлин 14 ди Табасаран райондин Якрагъ гъулан Хизриев Юнусдин хуларин 4 дик 1 пай тулк апIиди. Гъадагъуз ккунидар улупнайи йигъан Якрагъ гъулаз сааьт 12 диз гъачай!
Суд исполнител Гьязанов
«Уьрю Табасаран»,
11 май, 1938 пи йис
№18 (303)
Мици апIну гундар
Табасаран райондин Аркит селсоветдин ФуркIил гЪулан «Телман» колхоздин предсидател Рамазанов Нуралди чан гьейван 1800 манатдиз чпин колхоздиз масу тувну колхоздин 2 тун хиФар Руссятдиз хЪадану. Мурарин зиин Ариш-вериш апIури ЖагЪланди гъулан Эмюрасланна ФуркIил гЪулан КЪазимагьямед гьамусра секиндар.
Хифар хьади гЪушну арабачйирин кира гЪира тувундар.
Часнйи ариш-вериш апIрударин ибахЪзенг йивуб лазим ву.
Кооператив тIалаб апIурча
Колхозникарин вари зегьметкешарин фабрик—завотдин мализ вуйи игьтияжар ухди (Нафт, чай, шекер, парча, папирус, сабун, спишка ва ж. дарихъди) темин апIбан бадали лазим вуйи кооператив чвлатI ва хюлигъ гъулан советарин колхозникари ва вари зегьметкешари чипхьан кооператив гизаф ярхла хьпаз лигну рай ПО йикан учуз кооператив тувивал тIалаб апIурча.
Халкь
«Уьрю Табасаран»
17 июнь, 1938 йис, №24 (309)
1 пи ражну сес туву риш
Сечкийирин улихьайи йигъари 18 йис тамам гъаши Кахриманава Фатма (Хучни) 26 июндиз сечкийин къутдихьна дуфну, РСФСРин Верховный советдиз депутатвализ кандидат юл. Кирзимов ва ДАССРин Верховный советдиз депутатвализ кандидат юл. Мататовдиз чан сес тувну. Гьаму йигъ Фатмайин уьмриъ лап шад йигъ гахьну. бюллетен кьутдиз ипбалан кьялахъ фатмайи шадну мялй гъурхну ва хъади-хъади ялхънар гъпIну.
«Уьрю Табасаран»
25 июнь, 1938 йис, №26 (311)
Русский алфавитдиз ухди кудучъуб лазим ву
Даг ОБКОм ВКП(б)йи ва Дагъ. ЦИКди, Дагестан халкьарин бикIбар латиндилан русский АлФавитдиз кудучьбан гьякънаан решениейир адагъну.
Дагестандин халкьар русский алфавит аьгъю апIбаз мажбур вуйиси, думу аьгъю апIбаъ политический ва культурний значениера а.
Му цIийи алфавит аьгъю апIбу Дагестан халкьарин гъюз имбу девриъ хъана культура, яшайиш ижи ва зи удучъиди.
Улихьди лап кьяляхъ гъузну имбу табасаран халкьаринна яшайиш гьялар ва культура лап заан даражайиз удучъурайи вал фикирназ гьадагъну ККуми ва Халагъ гъулан советарин бикIбар русский алфавитдиинди гъахура.
Сиртич ва Гьяпил гъулан советар вуш цIийи алфавит кудучъбан лап кьяляхъ гъузна.
Ихь халкьдин яшайиш, гьялар ижи апIбаъ, культура улихь душнайи русс халкьдихъ хъуркьбан бадали Дагобкомдин ва ДЦИКдин Дагестан халкьарин бикIбар русский алфавитдиз кудучъбан гьякьнаан вуйи тарихнан постановление вахтниинди кIулиз адагъбаз коммунистра, комсомолар ва вари зегьметкешар коммунист партияйин къалариъна хъана мюгькемди уч хьуб лазим ву.
Партияйин ва государствойин постановление чан вахтна лап ухди тамам дапIну ккун.
В. И ЛЕНИНДИН ПАМЯТНИК
Табасаран райондин центер вуйи Хючни гъулаъ айи дом советарин багахь хьайи багъдиъ юлдаш В. И. ЛЕНИНДИН памятник дивну.
Памятникдин гъирагъарлан мягьриж илтIикIну, думу багъдиъ лампъяр дивну ади а.
Г. У-.
Сад йигъан 75 га йиган гъапIну
Сиртич гъулан «Коммуна» колхоздин йигнар дапIну гудук1уз даршлукьан ухди хьбаз ливну гьаму йисан 12 июлиъ гъунши гъулари: чIире «Ворошилов» колхоз ва Мегьди гъулан зегьметкешари, коммуна колхоздиз кюмек гъапIну.
ДАССРин Верховный советдин депутат вуйи Фархатова Жамиятдин гьунарниинди колхозникар ва колхозник хпари 200 касди сад йигъан 75 га йиган гъургну. Гьаму йигъан ва жара вахтари иган ургбан ляхин, колхоздин ляхнариъ коммуна колхоздин член вуйи Ахмедов Кичибек ва Яралиева Бабучди ударниквал къазалмиш гъапIну. Юлдаш Кичибеку ва Бабучри колхоздиъ соцсоревнование яркьу апIбаъ заанвал къазалмиш дапIна.
Мурадханов
Соц соревнованиейиз дих апIурча
Учу, Хив райондин Хурсатил гъулан «Красный Дагестан» колхоздин колхозникари укIар уршвивал болшевик валиинди организоват дапIну, тахил уч апIбан компания заан хъуркьбариинди, улупнайи вахтнатIан ухди, саб рударкьанна пуч хьуз гъидритди уч апIбаз Жвулли гъулан «Жданов» колхоздиз соц соревнованияйиз дих апIурча.
Шабанов Гь.
Йигнар дапIну гудукIну.
Хянягъ гъулан советдин гъулариъ колхозникари ва вари зегьметкешари йигнар дапIну гудукIубси, гадаринна гьацI гъапIну…
О. Гь.
«Уьрю Табасаран»
26 июль, 1938 пи йис
№29 (314)
Къайд: Рубрикайиккди тувнайи материаларин орфограграфия ва авторарин хатI айибси, дигиш дарапIди тувна.
