Республикайин культурайинна тарихнан ирс уьбхюрайи агентствойи, инсанарин сагъламвализ хатIа дархьбан бадали, региондин федеральный ва республикайин мяна айи тарихнанна культурайин 5 объектдиз инсанар гъягъювал, думу йишвар рас дапIну ккудукIайизкьан, хъябкьну. Гьадму гьисабнаъ Табасаран райондин ХустIларин гъулахъ хъайи Дюрхъра а.
Къайд апIуб лазим вуки, гьаму йисан мартдин вазлиъ мархьар ургъбан натижайиъ Дюрхънан айитIинди гъванар кадахьну ахьну. Ахтармиш апIбарин кьяляхъ ашкар гъабхьиганси, гъванар гьамусдихъантинара ахьбан мумкинвал а. Гьаддиз Республикайин культурайи-нна тарихнан ирс уьбхюрайи агентствойи, Дюрхъ табиаьтдин гюмбетси дюбхну, душв инсанар гъягъюз шлуганси рас апIру тешкилат абгура.
