Августдин 24-пи йигъан Дербент райондин глава Мавсум Рягьимовдин Урусатдин «Солар Системс» компанияйин вакиларихъди ва РД-йин энергетикайин министерствойин багахь хьайи энергетикайин артмиш’валин проектарин офисдин гъуллугъчйирихъди гюрюш кIули гъубшну. Гюрюшдиъ Дербент райондиъ 100 МВт кьувват айи ригъдин электростанция тикмиш апIбан инвестицйирин проект уьмриз кечирмиш апIбан месэлйир гьял гъапIнийи.

 

 

2023-пи йисан Дербент райондиъ 100 МВт кьувват айи ригъдин чIатху электростанция ачмиш апIиди. Станция тикмиш апIбан ляхнар «Солар Системс» компанияйин дестейи гъахиди. Ригъдин манишин ишлетмиш апIру станцияйи 25 агъзур хулар марцци энергияйихъди тямин апIиди, станция тикмиш апIруган, 150 касдиз лихру йишвар, хъа тикилишчивалин ляхнар ккудукIбан кьяляхъ, 30 пишекариз лихру йишвар хьиди.2023-пи йисан Дербент райондиъ 100 МВт кьувват айи ригъдин чIатху электростанция ачмиш апIиди. Станция тикмиш апIбан ляхнар «Солар Системс» компанияйин дестейи гъахиди. Ригъдин манишин ишлетмиш апIру станцияйи 25 агъзур хулар марцци энергияйихъди тямин апIиди, станция тикмиш апIруган, 150 касдиз лихру йишвар, хъа тикилишчивалин ляхнар ккудукIбан кьяляхъ, 30 пишекариз лихру йишвар хьиди.

Компанияйи, зааан аьгъювалар айи пишекрар гьязур апIури, дурариз лихру йишвар арайиз хури, муниципалитетдин яшайишдин артмиш’валин ляхнариъра иштирак хьувал планламиш апIура.

Мавсум Рягьимовди къайд гъапIганси, инвесториз проект уьмриз кечирмиш апIбаъ вари терефарихъан лазим вуйи кюмек хьибди. – «Гележегдиъ «чру» энергетикайин технологйир сабпи йишв’ин дийигъиди. Хъа ихь Дербент райондиъ ригъдин электростанция тикмиш апIували агьалйир – лихру йишварихъди, бюджет налогарихъди тямин апIиди. Ухьу райондиъ Урусатдин, гьадму гьисабнаан ихь республикайин артмиш’вализ кюмек тувру цIийи жюре проектар кIулиз адагъуз гьаммишан гьязур вухьа», –  гъапну Дербент райондин главайи.

КIваин апIуз ккундузуз, гьамусяаьт Южно-Сухокумск шагьриъ 15 МВт кьувват айи станция ляхник кипна, хъа  багарихьди Нугъай райондиъра 60 МВт кьувват айи станция дивди.