АлтIабгнайи аку зав’ин саб дупну минди-тинди гъитIирху самолетарин шилари завуъ саб аьжайиб шикил гъизигнийи. Гъюблан-гъюбаз яркьу ва багахь шули, дурар иливбан ишарайиз дюнмиш гъахьнийи, урус чIалниинди кIуруш, плюсдиз. Му дизигнайи шиклик улар куркIиган, кIулиз саб жерге фикрар гъафнийиз.

 

 

Гьелбетда, уьмрин рякъюъ ухьуз ичIар-гъунар, рижун зазар, гъванар айи гъюрдар ва гьар жюрейин гафар-чIалар, ляхнар кайи инсанар алахьуру. Дици дарди гъабхьиш, уьмрин мянара фу хьибдихъа!? Дуст машназ, хъа душман ликариз лигуру гъапиганси, жарарин кьяляхъ гьаз улхиди? Гьаз гъапиш, ухьу вари терефарихъанди гизаф улихь гъягъюрайиган. Хъа кьяляхъ илтIикIну, ухьу дурарин гъямпариз фикир ва жаваб тувиш, ихь кьиматра ис хьибдарин?  Жвуван маш ккадру, хайир даккни ва кьяляхъ улхру инсанар ухьу сяътихъ хъивру батарейирси ишлетмиш апIури, яв хъюлаз ва йиз аьшкьназ дупну, ликар алдагъиш, хъугъай, бахтлу ва гьевеслу уьмур хъапIуз рякъ ачухъ шулу.Гьелбетда, уьмрин рякъюъ ухьуз ичIар-гъунар, рижун зазар, гъванар айи гъюрдар ва гьар жюрейин гафар-чIалар, ляхнар кайи инсанар алахьуру. Дици дарди гъабхьиш, уьмрин мянара фу хьибдихъа!? Дуст машназ, хъа душман ликариз лигуру гъапиганси, жарарин кьяляхъ гьаз улхиди? Гьаз гъапиш, ухьу вари терефарихъанди гизаф улихь гъягъюрайиган. Хъа кьяляхъ илтIикIну, ухьу дурарин гъямпариз фикир ва жаваб тувиш, ихь кьиматра ис хьибдарин?  Жвуван маш ккадру, хайир даккни ва кьяляхъ улхру инсанар ухьу сяътихъ хъивру батарейирси ишлетмиш апIури, яв хъюлаз ва йиз аьшкьназ дупну, ликар алдагъиш, хъугъай, бахтлу ва гьевеслу уьмур хъапIуз рякъ ачухъ шулу.

 

Гъит, ихь кIваъ диснайи хайирлу ляхнар, фикрар, ниятар ва фагьмар гьамци аку плюсдихьинди юрутмиш апIуз Аллагь кюмек ишри, гьюрматлу ярар-дустар! Рякъ-хулиъ алахъру ксар инсанвал кади, машнаъ шаду инчI ади, гевюл ачухъдар ишри. Шулуш, хил гьачIабккрудар, шулдаршсана хил’ин варжи илипру агьларикан даришри. Чухсагъул!