23-пи августдиъ Дагъустандин Правительствойин председатель Аьбдулмуслим Аьбдулмуслимов Урусатдин Игит, генерал-майор, Луганскдин Халкьдин Республикайин халкьдин милицияйин 2-пи армияйин корпусдин командующий Эседулла Абачевдихъди гюрюшмиш гъахьну.

 

 

Эседулла Абачев Хив райондин Зилдикк гъул’ан ву.  Дугъу Харьков шагьриъ гвардияйин танкарин  командный заан училище ккудубкIну, РФ-дин Яракьлу кьувватарин уьмуми кьушмарин академияйиъ, РФ-дин Яракьлу кьувватарин Генштабдин военный академияйиъ гъурхну.Эседулла Абачев Хив райондин Зилдикк гъул’ан ву.  Дугъу Харьков шагьриъ гвардияйин танкарин  командный заан училище ккудубкIну, РФ-дин Яракьлу кьувватарин уьмуми кьушмарин академияйиъ, РФ-дин Яракьлу кьувватарин Генштабдин военный академияйиъ гъурхну.

 

Гьаму йисан июлин вазлиъ уьлкейин Президент Владимир Путинди Луганскдин Халкьдин Республика азад апIбаъ заан иштираквализ лигну, Эседулла Абачевдиз «Урусатдин Игит» ччвур тувну. ЦIиб улихьнаси, апрелин вазлиъ, дугъаз «Луганскдин Халкьдин Республикайин Игит» ччвурра тувнийи. 

 

Аьбдулмуслим Аьбдулмуслимовди, хусуси метлеб айи операцияйин вахтнаъ дявдин месэлйир гьял апIбаз, дявдиъ улупу кьягьялвализ лигну туву «Урусатдин Игит» ччвурнахъди  Эседулла Абачев тебрик гъапIну.

 

«Ватан, ислягь ватандашар уьрхюри, гьюкуматди ичв улихь диву важиблу месэлйир  гьял апIбаъ игитвал улупурачва, учу яв ва ихь ватанагьлийирин гьунарариз заан кьимат диврача. Республикайин кIулиъ айидарин, Сергей Алимовичдин ччвурнахъан яв кьягьялвализ чухсагъул мялум апIурача. Уву уьлкейин дамагъ, аргъаж шулайи наслариз чешне вува», – гъапну Дагъустандин Правительствойин председатели. 

 

 Эседулла Абачевди чан терефнаанра, учв маниди кьабул апIбаз, уьлкейин тереф уьбхюри женгнаъ айидариз кюмек тувбаз, республикайин кIулиъ айидариз чухсагъул мялум гъапIну.