Урусатдин Федерацияйин Президент Владимир Путиндин Указдиинди ихь ватанагьли, Урусатдин Игит генерал-лейтенант Рустам Мурадов улихьнаси Ригъ гьудубчIвру терефнан (Восточный) военный округдин кьушмарин командующийди тяйин гъапIну.

 

 

Восточный военный округ Урусатдин Федерацияйин военный округарин арайиъ женг гъабхру кьувватниинди гьисаб апIуруш, Ригъ гьудубчIвру терефнан военный округ варитIан кьудратлуб ву. Дидин дахилнаъ кьушмарин юкьуб объединение – Ярхла востокдин военный округ, Тихоокеанский флот, Сибирин военный округдин ригъ гьудубчIвру терефнаъ айи округ, гьацира ВВС ва ПВО а.

Ригъ гьудубчIвру терефнан военный округди, кафари терефнаъ мирккли ккаънайи гьюлерилан гъадабгъну, кьиблайиъ Владивостокдихънакьан, ригъ алабхъру терефнаъ Байкалин гъирагъарихъан Чукоткайихънакьан, ригъ гьудубчIвру терефнаъ Камчаткайин ва Куриларин аьтрафар дидисна.

Рустам Мурадов Восточный военный округдин командующийди тяйин апIували думу заан жавабдарвал айи кас вуйивал, дугъ’ин Урусатдин Президентдин аьхю хъугъ’вал аливал тасдикь апIура.

 

Газатдин редакцияйин терефнаан ихь бажаранлу ватангьли, Урусатдин Игит Рустам Мурадов заан гъуллугънаъ тяйин апIувалихъди кIваантIан тебрик апIури, дугъаз Ватанди чан улихь диву месэлйир тамам апIуз мюгькам сагъвал, ляхниъ хъуркьувалар ккун апIурача.