Гьаму йигъари Дагъустандин Огни шагьриъ республикайин жюрбежюр яшар духьнайи спортсменарин арайиъ спортдин ММА-йин дахилнак кахьрайи кчIихбариан Дагъустандин чемпионат кIули гъубшну.
Дидиъ республикайин вари шагьрариан ва районариан 300-тIан артухъ спортсменар иштирак гъахьну.
Талитариъ 1-пи йишв Дербент шагьрин сатIи вуйи командайи гъадабгъну. Гъалибчйир февралин 22-пи йигъан Москва шагьриъ кIули гъябгъру, Урусатдин варитIан кIубнисдар спортсменар гъядягъру туриъ иштирак хьиди.
Дагъустандиъ айи ММА-йин кчIихбарин искусствйирин Федерацияйин президент Мартин Сефербеговди къайд гъапIганси, спортсменар 110 гъагънан категорийириан кчIихбариз удучIвну. Дурарикан 55 категория – ММА-йин кчIихбарин жюрбежюр жюрйириан ва 55 – грепплингдиан вуйи.
