Феврали 4-ди Дагъустандин Огни шагьрин глава Зейдуллагь Гьяшимовди шагьрин образованиейин идарйирин кIулиъ айидарихъди сатIиди мектебар цIийи китабарихъди тямин апIбан аьгьвалат ахтармиш гъапIну.
ЦIийи китабар, графикдиъ улупнайиганси, гьар йигъан шагьрин кьюб мектебдиз жара апIура. Му ляхин февралин 15-пи йигъазкьан давам шулу.
Гьамусдихъан тина гьарсар абайиз-бабаз мектебдиъ айи китабарин кьадар ахтармиш апIуз мумкинвал хьибди. Фицики, РД-йин образованиейинна илимдин Министерствойи республикайин уьмуми образованиейин гьарсаб тешкилатдиъ жа-жаради фукьан китабар аш мялуматар туврайи автоматламиш дапIнайи гьякьикьи улупбарин бина арайиз дубхна.
Гъийин йигъаз Дагъустандин Огни шагьрин мектебар 40 агъзур цIийи китабарихъди тямин гъапIну.
