13-пи декабриъ Москва шагьрин «Леки» спортдин клубдиъ ММА-йиан тешкил дапIнайи талитар кIули гъушну. Думу талитариъ Дагъустандианра хайлин спортсменар иштирак гъахьну, гьадрарин арайиъ 77 килограмм гъагъишин айи Акбар Гьяжиэкберовра.

 

Спортсменди «Табасарандин нурур» газатдиз туву мялуматариинди, му талитар пишекарвалин кчIихбан талитар вуйи.
«Турнириъ иштирак хьуз дих апIбан кьяляхъ, талитарихьна гьязур шули 1 вазна гьацIкьан гъабхьнийиз.

Йиз гъагънан категорияйиъ хайлин ужудар спортсменари иштирак’вал гъапIнийи. Талитназ ММА-йиан туркмен спортсмен Имам Неза-мединовдихъди уду-чIвунза ва дугъ’ин гъалиб гъахьунза. Думу ужур, гъудуркьу, талитарихьна ужуди гьязур духьнайи спортсмен вуйи», – аьлава гъапIну гъалибчийи.