Гьязурди айчва?

КIваина хурача, 2006-пи йисан Урусатди 2015-пи йисаз цифрайин ТВ-йиина гъюбан гьякьнаан вуйи вари халкьарин йикьрариин къул гъизигнийи, ва гьаддиинди гъунши уьлкйириъ цифрайин телевидениейиз манигъ’вал апIурайи аналогдин телевидение ктIубшвуз жавбадарвал кIул’ина гъадабгънийи.

Цифрайин телевидение яваш-явашди ихь уьмриз гъафну. РД-йин мялуматарин, аьлакьайин ва махлукьатлу коммуникацйирин министр Сергей Снегиревди къайд гъапIганси, Дагъустан Республикайин аьтрафариин телевидениейиз лигурайи 98 процент абонентари цифрайин телевидениейин сигнал кьабул апIура. РТРС-дин Дагъустандиъ айи филиалин кюмекниинди ихь республикайиъ 164 антенна ва сигнал хътапIру станцйир дивна. Гьаци вушра, региондиъ цифрайин сигнал кьабул дарапIру гъуларра гъузра. Дицдар гъулар 26 райондиъ а. Дурариз спутникдиан телевидениейин сигнал кьабул апIру комплектар льготайин кьиматназ масу гъадагъуз мумкинвал хьибди. Йирси жюрейин телевизорариз лигурайидарихьан цифрайин приставка хътарди телевизориз лигуз хьибдар.

Цифрайин телевидениейиина улдучIвбан юкьубпи аьхиримжи пай октябрин 14-пи йигъан ккебгъди. Думу йигъан аналогдин телевидение Астрахандиъ, Белгороддиъ, Волгограддиъ, Вологодский областдиъ, гьацира Санкт-Петербургдиъ, Севастополиъ, Крымдин ва Алтайин Республикйириъ, Башкортостандиъ, Дагъустандиъ, Карелияйиъ ва жара регионариъ хъябкьбанди ву.

Цифрайин телевидениейи ухьуз фу тувру?

Цифрайин телевидениейи ухьуз марцци шикил ва марцци сес тувру. Урусатдин Федерацияйин вари агьал-йирихьан пулсузди цифрайин телевидениейин 20 канализ лигуз шулу.

Сабпи мультиплексди улупуру:

Сабпи канал, «Россия-1», «Матч ТВ», НТВ, Хьубпи канал, «Россия К», «Россия-24», «Карусель», ОТР, ТВ Центр.

Кьюбпи мультиплексди улупуру:

РенТВ, «Спас», СТС, «Домашний», ТВ-3, «Пятница», «Звезда», ТНТ, МузТВ, «Мир».
Радиоканалар: «Вести FM», «Маяк», «Радио России».