Украинайин аьтрафариин кIули гъябгъюрайи хусуси метлеб айи дявдин операцияйиъ гъийиху эскрарин хизанарихъди гюрюшмиш шулайи вахтна, Дагъустан Республикайин Глава Сергей Меликовди, думу хизанариз кюмек апIбан бадали, республикайиъ «Вари сатIиди» ччвур тувнайи рягьимлувалин фонд ачмиш апIбан къарар адабгъну. Гьаддихъанмина фондну жанлуди ляхин гъабхура ва хусуси метлеб айи операцияйиъ эскрар гъийиху хизанариз кюмек апIура. Фонднан ляхин давам хьпан бадали, жюрбежюр тешкилатари, алверчи касари дина дакьатар хътаура.
Магьа Дагъустандин налогарин гъуллугънан гъуллугъчйири Украинайин аьрафариин гъябгъюрайи хусуси метлеб айи дявдин операция-йиъ иштирак шулайидарин ва душваъ гъийиху эскрарин хизанариз нубатнан ражари фонднаан тина кюмек гъапIну.
Федеральный налогарин гъуллугънан республикайин управлениейин ва дидиз дахил шулайи вари инспекцйирин гъуллугъчйирин сад йигъандин маважиб респуликайиин «Вари сатIиди» фондназ хътапIну кIури, РД-йин УФНС-дин пресс-гъуллугънаан хабар тувра. Тувнайи мялуматариинди, му рягьимлувалин ляхнихьан налогарин сатIи вуйи профсоюздин коми-тетра ярхла гъабхьундар. Дидира фондназ дакьатар жара гъапIну.
