РФ-дин оборонайин министерствойи 2027-пи йисан аьхириз Урусатдин жюрбежюр регионариъ Каспийск шагьриъ дявдин госпиталар тикмиш апIиди. Дидин гьякьнаан оборонайин министр Сергей Шойгуйи мялум гъапIну.

 

 

Гьамусяаьт Урусатдин оборонайин министерствойи дявдин 9 цIийи госпиталь тикмиш апIура. Дурарикан саб Каспийск шагьриъ ерлешмиш хьибди, 4 – уьлкейин сяргьятарихъ хъайи шагьрариъ – Брянскдиъ, Белгороддиъ, Курскдиъ ва Севастополиъ.

С. Шойгуйи къайд гъапIганси, Казандиъ 150 йишв ади гьамусдин деврин тIалабариз жаваб тувру цIийи госпиталь ишлетмиш’вализ тувна. Гьацира Камчаткайиъ бальнеологический аьдатнан дару курорт айи йи-шваъра сагъламвал мюгькам апIбан центр тикмиш дапIну ккудубкIну.

Медицинайин тефшкилатар тикмиш апIувал 2027-пи йисаз дявдин сагъламвал уьбхювал артмиш апIбан программа уьмриз кечирмиш апIбан дахилнаъди кIули гъябгъюра.