ЕГЭ 100 баллиз гъибикIну

 

 

Ццийин йисан Дагъустандиъ мектебар ккудукIу 31 бай-шуру ЕГЭ-йиан 100 балл гъазанмиш гъапIну. Дурарин арайиъ ихь ришра а. Табасаран райондин ТIюрягъ гъул’ан вуйи, Мягьячгъала шагьриъ бабкан ва аьхю гъахьи Амина Мукаиловайи урус чIалнаан ЕГЭ 100 баллиз гъибикIну. Дугъу Мягьячгъала шагьрин 39-пи нумрайин лицейдиъ урхури гъахьну ва, лицей гъизилин медализ ккудубкIну, бажаранлу риш уьру аттестатдин сагьиб гъахьну.

Амина гъи Дагъустандин медицинайин госуниверситетдин стоматологияйин факультетдин 1-пи курснан студент ву.