Халагъ гъулаъ берекетнан мажлис гъабхьну
2022-пи йисан 16-пи августдиъ халгъарин жямяаьтди мярифатчи, аьлим, накьшубандийин тIарикьатдин шейх Наврузбег Эфенди бабкан духьну 140 йис хьпаз бахш дапIнайи мажлис кIули гъубхну. Берекетнан му мажлисдиз Хив ва Дербент районариан, Дербент, Дагъ. Огни, Мягьячгъала, Избербаш ва имбу шагьрарианра ихь ватанагьлийир уч гъахьнийи.
Мярака Белижи гъулан мис-тан имам, ихь ватанагьли Ризван Гьябибовди кIули гъабхнийи. Сабпи гаф Табасаран райондин глава Мягьямед Къурбановдиз тувнийи. Райондин кIулиъ айири чан удучIвну улхбаъ Наврузбег Эфендийи Табасарандиъ ислам дин, шариаьтдин аьгъювалар тарагъбаъ уйнамиш гъапIу роликан, дугъан инсанваликан, хасиятнан умунваликан, илимдиъ гъадагъу аьгъюваларин деринваликан ва яркьуваликан гизаф маракьлу мялуматар ктитнийи.
