Адугъай-дугъай!
1. Кьюрдну дабхъруб,
Хьадукра дубгруб,
Хьадну йибкIруб,
Чвну чIиви шлуб.
(Йиф)
2. Саб гьар,
Гьарик йицIикьюб циркил,
Гьар цирклик сумчIур кIаж,
Саб маш лизиб, саб – кIаруб.
(Календарь, йис вая 12 ваз, 30 йигъ)
3. Уьру хъюхъ ва зурба мужри,
Гъягъюру думу минди-тинди,
Варидариз пешкешар хуру,
Дугъаз кIуру?…
(Аяз аба)
4. Хилар ктар, ликар ккадар,
Амма дишла тIаъру раккнар.
(МикI)
5. Лизи кюкю ву,
Зав’ан абхъру,
Хилин гагьаъ дубсру,
Дишлади дубгуру.
(Йифун цIирикIв)
6. Я хилар ктар, я ликар ккадар,
Амма кауз аьгъя шиклар.
(Аяз)
Халкьдин хазнайиан
Абйирин мисаларин мяна ачухъ апIин
1. Кьюрду яшлуйирик хъял капIру, хъа жигьилариз аьгъювалар тувру.
2. Уву хьадну фу гъапIнуш, кьюрду ахтармиш апIуру.
3. Кьюрдну ригъ нивгъаригъянтина аьлхъюру.
4. Уву ЦIийи йис фици кьабул гъапIиш, гьаци думу гьапIдира вува.
5. Кьюрдну хуйи гъапну: «Хьад гъафиган, кIурбарин хал апIурза».
6. Кьюрду хьадуз гучI ккапIру, вушра ебцIуру.
Кроссворд
Тикди:
1. ЦIийи йисан гьарсаб хизандиъ балгру гьар. 5. Кьюрдну шюшдик шиклар каъруб. 6. Ихь ата-бабйири ухьуз гъибтуб. 8. Дагъдиз гъябгъюрайи ккуру рякъ. 10. Лап ккуру мурсул. 12. ДучIвубкьну гатабхьруб. 14. Никкдикан ктабгъру ицциб ипIруб. 16. Кьюрдну мал-къарайиз ккабхьруб. 18. Гъвандикан, гакIвликан, рукькан ва гь.ж. уччвудар мутмйир апIру кас. 19. Шиирна мукьам сатIи апIруб.
Чапди:
2. Махъварик кайи аьмалдар нахшир. 3. Аьгъю апIру мялумат, хабар. 4. Чуру … укI. 7. Гьюкмин органарихьна илтIикIруган бикIруб. 9. Варж йис. 11. Йимиш. 13. Хьадукран чархачи. 15. Гъянигъузйирин саб жюре. 17. Халачи убхуз варитIан лазим вуйи шейъ. 20. Инсандин табариъ «либцурайи» шмишин. 21. Адашдин ясана дадайин дада. 22. Кьюрдун леэф.
Жавабар
Тикди: 1. МукIрукI. 5. Аяз. 6. Ирс. 8. Рих. 10. Иччи. 12. ИлкI. 14. Нис. 16. Алаф. 18. Уста. 19. Мяъли.
Чапди: 2. Сул. 3. Суракь. 4. МаркIсиб. 7. Аьрза. 9. Аьсир. 11. Жихир. 13. ПсинчI. 15. БакIлукI. 17. Мурсул. 20. Ифи. 21. Баб. 22. Йиф.
