2023-пи йисан 1-пи январилан башламиш дапIну, Урусатдин Федерацияйиъ яшамиш хьпан бадали, инсандиз чарасуз лазим вуйибси тяйин дапIнайи пулин асккан кьадар за гъапIну. Асас документ ккудубшу йисан 5-пи декабриъ къанундин мялуматар тувру интернет-порталиъ чап дапIна.

 

 

Дагъустан Республикайин Правительствойи 2022-пи йисан 21-пи декабриъ адабгъу «Дагъустан Республикайиъ 2023-пи йисаз нуфусдин кIулихъ ва агьалйирин яшайишдинна демографияйин асас гъатариз улупнайи, яшамиш хьуз чарасуз лазим вуйи пулин асккан кьадар тяйин апIбан гьякьнаан» къарариз асас вуди, 2023-пи йисан 1-пи январихъанмина агьал-йириз яшамиш хьуз чарасуз лазим вуйибси тяйин дапIнайи пулин асккан кьадар гьамкьан ву:

– 13 081 манат — нуфусдин кIулихъ;
– 14 258 манат — агьалйирин зегьмет зигуз шлу гъатариз;
– 11 250 манат — пенсионерариз;
– 13 066 манат — бицIидариз.

КIваина хурача, яшамиш хьпан бадали чарасуз лазим вуйи пулин кьадар игьтияж айидариз гьюкуматдин терефнаан пулин кюмек тувбан гьисабар гъахруган, гьадму гьисабнаан 3 йис хьайиз бицIириз тувру пособие тяйин апIруган, касибвал кайи хизанариъ айи бицIидариз 3 йисалан 7 йис’ина, 8 йислан 17 йис’ина дакьатар тувруган лазим шулу.
Мидланра савайи, яшамиш хьуз чарасуз лазим вуйибси улупнайи пулин кьадарнакан гьюкуматдин терефнаан туврайи социальный дакьатарин кьадарра асиллу ву. Пулин думу кьадар за апIбакан касибвал кайи бицIидар айи хизанариз туврайи пулин кьадар за апIувалра асиллу шула, гьацира пенсйириин иливурайи федеральный ва региондин аьлавади тувру социальный дакьатарра.