Дагъустандин гьюкуматдин педагогвалин университетдин ректор Нариман Асваровди Дагъустандин Глава Сергей Меликовди гъубху Прямой эфирикан чан фикрар ачухъ гъапIну.
«Региондин Главайин «Прямой эфир» дагъустанлуйириз важиблу гьядиса ву. Сергей Аьлимовичди агьалйириз варитIан асас вуйи яшайишдин месэлйирихъан хъюгъну, республикайин вари терефариан гъюрайи суалариз жавабар тувуз мумкинвал гъабгну.
Сергей Меликовди ачухъ ва гьякьлу сюгьбат гъубхну. Гизаф йисари республикайин агьалйирик гъалабалугъ кипрайи, гьял дапIну ккудукIну адру месэлйир гьял апIбиин фициб ляхин гъабхураш гъапну. Думу арайиъ айи месэлйирихьна вижнасузди янашмиш даршлу, тажруба айи политикдин лишан ву.
Гьамциб тажруба гьюкмин вакиларин аьдатнаъ абхъур дупну, умуд кивуз ккундузуз, фицики гьарсаб гьамциб гюрюшди чан натижйир тувру», — гъапну вуздин ректори.
